Зарлык Камбаралиев, Айганыш Абдиева Жаным деймин

Мен сени күнүм дебейм;
Кеч кирсе батып кетет;
Мен сени айым дебейм;
Таң атса качып кетет;
Жылдыз деп санабаймын;
Жымыңдайт алыс жакта;
Булбулум дей албаймын;
Үн салат түркүн бакта;
Кушум деп көкөлөтпөйм;
Баары бир жерге конот;
Сезимге салыштырбайм;
Бир жылып,бирде тоңот;
Мен сени «ЖАНЫМ» деймин;
Түбөлүк бирге болот;
Гүлүм деп эркелетпейм;
Күз келсе соолуп калат;
Жүрөгүм дей албаймын;
Бир сөздөн ооруп калат;
Мен сени жазым дебейм;
Жай келсе өңү кетет;
Деңизим дей албаймын;
Анткени көбү кечет!